მანე ალ ნასრში სამედიცინო შემოწმებას დღეს გაივლის
,,ბაიერნი'' და ,,ალ ნასრი'' სადიო მანეს სატრანსფერო თანხაზე შეთანხმდნენ. ინფორმაციას გერმანელი ჟურნალისტი, ფლორიან პლეტენბერგი ავრცელებს.
წყაროს ცნობით, ,,რეკორდმაისტერი'' ფეხბურთელის სანაცვლოდ 28-30 მილიონ ევროს მიიღებს. სენეგალელი სამედიცინო შემოწმებას დღეს, დუბაიში გაივლის. მისი ანაზღაურება ახალ კლუბში 40 მილიონი ევრო იქნება.
მანემ გასულ სეზონში ,,ბაიერნის'' მაისურით ჩატარებულ 38 შეხვედრაში 12 გოლი გაიტანა და 6 საგოლე გადაცემა მიითვალა.
,,ალ ნასრმა'' იანვარში კრიშტიანუ რონალდუ გაიფორმა, ზაფხულში კი გუნდს ალექს ტელეში, მარსელო ბროზოვიჩი და სეკო ფოფანა შეუერთდნენ.
🆕 News #Mané: Final transfer fee confirmed: €28-30m with possible bonus payments included ✅
— Florian Plettenberg (@Plettigoal) July 30, 2023
Mané will pass his medical on Monday in Dubai as reported. @SkySportDE 🇸🇳 https://t.co/zG5O07YMpN