"მანჩესტერ იუნაიტედს ნებისმიერის დამარცხება შეუძლია" - ჰარი მაგუაიერი

ინგლისის პრემიერ ლიგის მიმდინარე სეზონში ჩატარებულ 6 მატჩში, "მანჩესტერ იუნაიტედმა" მხოლოდ ორის მოგება შეძლო. "წითელი ეშმაკები" 3 მატჩში დამარცხდნენ და ერთიც ფრედ დაასრულეს.

არასახარბიელო რეზულტატის ფონზე, კიდევ უფრო სავალალოა ის მდგომარეობა, რომელშიც კლუბი სატურნირო ცხრილში იმყოფება - მოპოვებული 7 ქულით, "მანჩესტერ იუნაიტედი" მე-14 პოზიციას იკავებს და მწვავე კრიტიკის მიუხედავად, ჰარი მაგუაიერს მტკიცედ სჯერა, რომ "იუნაიტედს" ნებისმიერი მეტოქის დამარცხება შეუძლია.

შეგახსენებთ, 6 ოქტომბერს, პრემიერ ლიგის მე-7 ტურში, "მანჩესტერ იუნაიტედს" მორიგი რთული გამოცდის ჩაბარება "ასტონ ვილას" წინააღმდეგ მოუწევს. დაპირისპირება 17:00 საათზე, "ვილა პარკზე" დაიწყება.