მანჩესტერ იუნაიტედმა პორტუგალიელებს შვებულება გაუხანგრძლივა

დიეგუ ჟოტას ტრაგიკული გარდაცვალლების შემდეგ, მანჩესტერ იუნაიტედმა, თავის პორტუგალიურ დუეტს, ბრუნო ფერნანდეშსა და დიოგუ დალოს, თანაგრძნობის ნიშნად, შვებულება გაუხანგრძლივა - 28 წლის თავდამსხმელი და მისი ძმა, ანდრე სილვა, ხუთშაბათს, 3 ივლისს, გამთენიისას, ესპანეთის ქალაქ ჩერნადილაში მომხდარ ავტოკატასტროფაში დაიღუპნენ.

ბრუნო ფერნანდეში და დიოგუ დალო პორტუგალიაში, ჟოტას და მისი ძმის დაკრძალვას დაესწრნენ და დღემდე გლოვობენ. The Sun-ის ცნობით, ამის გამო, მანჩესტერი პორტუგალიელ ფეხბურთელებს დამატებით ერთკვირიან შვებულებას მისცემს. 'წითელი ეშმაკების' ფეხბურთელები, ამ კვირაში, სავარჯიშო ბაზაზე უნდა დაბრუნებულიყვნენ.

დაბრუნება/შეკრება გადადო ლივერპულმაც, რომელიც გასულ პარასკევს იყო დაგეგმილი. ამის ნაცვლად, ისინი დღეს შეიკრიბებიან. მერსისაიდული კლუბი პირველი წინასასეზონო მატჩის ჩატარებას კვირას, 13 ივლისს, პრესტონთან ჩაატარებს.