"მამარდაშვილს გამორჩეული შეხვედრა ჰქონდა" - ესპანური პრესა ქართველის თამაშს ეხმაურება

ლა ლიგის 24-ე ტურის შეხვედრაში, “ვალენსიამ” “ალავესთან” სტუმრად – 1:2 წააგო. ვალენსიელთა ძირითად შემადგენლობაში ზედიზედ მესამე შეხვედრაში მოხვდა საქართველოს ნაკრების მეკარე, გიორგი მამარდაშვილი, რომელმაც მიუხედავად ორი გოლის გაშვებისა, თავი დამაჯერებლად წარმოაჩინა. მატჩის დასრულების შემდეგ, ქართველი მეკარის თამაშს ესპანური მედია გამოეხმაურა. 21 წლის გოლკიპერის შესახებ ანალიტიკურ სტატიაში as.com-მა ისაუბრა.

"ქართველმა ფეხბურთელმა გამორჩეული შეხვედრა ჩაატარა. ლუმის წინააღმდეგ შესანიშნავი მოგერიება ჰქონდა, თუმცა დამატებაზე გაუტანეს. ნახევარი საათის შემდეგ, მას დუარტეს წინააღმდეგ კიდევ ერთი სეივი ჰქონდა. მეორე ტაიმში "ალავესს" ის განსაკუთრებულად არ შეუწუხებია" - წერს as.com-ი.

"ვალენსია" ლა ლიგაში ჩატარებული 24 შეხვედრის შემდეგ 30 ქულით მე-12 პოზიციას იკავებს. შემდეგ მატჩს "ღამურები" "ბარსელონას" წინააღმდეგ 20 თებერვალს გამართავენ. ქართველი ფეხბურთელის გუნდის მატჩი თბილისის დროით 19:15 საათზე დაიწყება.

"მამარდაშვილს გამორჩეული შეხვედრა ჰქონდა" - ესპანური პრესა ქართველის თამაშს ეხმაურება

სხვა სტატიები