"მადლობა კაპიტანო..." - მარსელი პაიეს ემშვიდობება

საფრანგეთის ეროვნული ნაკრებისა და "მარსელის" 36 წლის ფეხბურთელმა - დიმიტრი პაიემ, 6 წლიანი კარიერის შემდეგ "მარსელი" დატოვა და თავისუფალი აგენტი გახდა. 

მან კლუბიდან წასვლის შესახებ დღეს გამართულ პრესკონფერენციაზე ისაუბრა. 

დიმიტრი პაიე "მარსელის" შემადგენლობაში პირველად 2013-2015 წლებში თამაშობდა, მას შემდეგ იგი "ვესტ ჰემში" გადავიდა, თუმცა ზუსტად 2 წლის შემდეგ, 2017 წლის ივლისში იგი კლუბში დაბრუნდა და მას შემდეგ მარსელურ კლუბს კაპიტნობდა. 

პაიემ "მარსელში" ჯამში 326 მატჩი ჩაატარა, სადაც 78 გოლისა და 95 საგოლე გადაცემის შესრულება შეძლო. აღსანიშნავია ის ფაქტი, რომ დიმიტრი პაიემ "მარსელის" ღირსება ლეგენდის სახელით დატოვა. 

ამ ფაქტის შესახებ ჟურნალისტებთან კომენტარი "მარსელის" პრეზიდენტმა - პაბლო ლონგორიამ გააკეთა. 

ჯერჯერობით უცნობია თუ სად გააგრძელებს ვეტერანი ფრანგი კარიერას. ის კი ცხადია, რომ დიმიტრი პაიე თავისუფალი აგენტი იქნება და მისი შეძენისთვის არაერთი კლუბი იბრძოლებს.