,,მადლობა ღმერთს, თავდამსხმელია!'' - რას წერენ ნიუკასლის ფანები ვახტანგ სალიაზე

,,დინამო თბილისის'' თავდამსხმელი, ვახტანგ სალია მომავალი წლის ზაფხულიდან კარიერას ,,ნიუკასლში'' გააგრძელებს.

,,კაჭკაჭების'' სოციალურ ქსელში ქართველი ფეხბურთელის ტრანსფერის შესახებ გამოქვეყნებულ ინფორმაციას დიდი გამოხმაურება მოჰყვა:

• ,,მადლობა ღმერთს, ეს ფეხბურთელი თავდამსხმელია და არა - მეკარე.''

• ,,ისაკი 10 ნომერზე უნდა დავაყენოთ და უნდა გვყავდეს ცხრიანი, რომელიც ბურთს დაიჭერს და გოლებს გაიტანს.''

• ,,ძალიან კარგი ტრანსფერია მომავლისთვის!''

• ,,ფეხბურთელი, რომელიც პირველ გუნდში ვერასდროს ითამაშებს...''

• ,,კეთილი იყოს შენი მობრძანება მსოფლიოს საუკეთესო გუნდში!''

• ,,საქართველოს ჩემპიონატში ძირითად შემადგენლობაში 1 სეზონიც კი არ უთამაშია და ვისგან მიიღო მაღალი შეფასებები? მოდის ლიგიდან, რომელიც ინგლისის სამოყვარულო ლიგების დონისაა. ასეთ ტრანსფერებზე მუშაობენ ჩვენი სკაუტები? ეს ბიჭი, ალბათ, პრემიერლიგას ვერასდროს ნახავს.''

• ,,დარწმუნებული ვარ, რომ ის შესანიშნავი ფეხბურთელია და წარმატებებს ვუსურვებ, მაგრამ ეს ის არის, რაც ახლა გვჭირდება?''

ვახტანგ სალიას ანგარიშზე ,,დინამო თბილისის'' ძირითადი გუნდის მაისურით ჩატარებულ 31 შეხვედრაში 6 გოლი და 2 საგოლე გადაცემაა.

ახალგაზრდა ფორვარდს საქართველოს 17,19 და 21-წლამდელთა ნაკრებებში აქვს ნათამაშები.