ლუქსემბურგის ფეხბურთის ფედერაციის პრეზიდენტი: ,,ნაკრებში როცა მე ვთამაშობდი, პროფესიონალი ფეხბურთელები არ გვყავდა''
1 თვის წინ
ფეხბურთი
1 წთ
საქართველოს ნაკრებთან ისტორიული მატჩის წინ, BBC ლუქსემბურგის ფეხბურთის ფედერაციის პრეზიდენტის, პოლ ფილიპის ინტერვიუს ავრცელებს:
,,მაშინ, როცა ნაკრებში მე ვთამაშობდი, პროფესიონალი ფეხბურთელები საერთოდ არ გვყავდა, ეს დიდი მინუსი იყო! შემდეგ, 2001 წელს, ჩვენი ეროვნული საფეხბურთო აკადემია შევქმენით. მჯერა, რომ წარმატების გასაღები სწორედ ეს იყო.
აქ 12-19 წლის ფეხბურთელები თითქმის ყოველ დღე ვარჯიშობენ, კვირაში ერთხელ კი საერთაშორისო ამხანაგურ მატჩს მართავენ.
20 წლის შემდეგ, ჩვენი აკადემიის წყალობით, გვყავს დაახლოებით 20 პროფესიონალი, რომლებიც საზღვარგარეთ თამაშობენ.'' - პოლ ფილიპი
პოლ ფილიპი ლუქსემბურგის ნაკრებში 1968-1982 წლებში თამაშობდა, ყოფილმა ნახევარმცველმა ეროვნულ გუნდში ჩატარებულ 54 მატჩში 4 გოლი გაიტანა.
დღეს, ევროპის ჩემპიონატის საკვალიფიკაციო ეტაპის პლეი-ოფში, საქართველოს ეროვნული ნაკრები ლუქსემბურგს უმასპინძლებს. ნახევარფინალური შეხვედრა 21:00 საათზე დაიწყება.
ლუქსემბურგის დამარცხების შემთხვევაში, საქართველო ევრო 2024-ის შესარჩევი ეტაპის პლეი-ოფის ფინალში ითამაშებს, სადაც მისი მეტოქე საბერძნეთი ან ყაზახეთი იქნება.
სხვა სტატიები
