ლოთარ მათეუსი: "კეინი მბაპესა და ჰოლანდზე უკეთესია"

ბუნდესლიგის ბოლო ტურში, ბაიერნისა და დორტმუნდის დაპირისპირებაში, რომელშიც მიუნხენელებმა 2:1 გაიმარჯვეს, კიდევ ერთხელ წამოიწია საკითხი, თუ ვინაა ამ წამს მსოფლიოს საუკეთესო თავდამსხმელი. ჰარი კეინმა ბრწყინვალე შთაბეჭდილება დატოვა არამხოლოდ იმით, რომ გოლი გაიტანა (რასაც ისედაც რეგულარულად აკეთებს), არამედ მოედანზე რამდენიმე პოზიციის მორგებით და თანაც, ამ პოზიციებზე უმაღლესი დონის შესრულებით. ლეგენდარული გერმანელი ფეხბურთელი, ლოთარ მათეუსი მიიჩნევს, რომ კეინი საუკეთესოა მსოფლიოში.

კეინმა, 2025/26 წლების სეზონში, ბუნდესლიგის შვიდ მატჩში 12 გოლი გაიტანა და სამი საგოლე გადაცემა გააკეთა. მიუნხენელებს 7-დან 7 მოგება აქვთ და ჩემპიონატს ერთპიროვნულად ლიდერობენ.