ლივერპულის ფანების მიერ პრემიერლიგის მოგების აღნიშვნამ მიწისძვრა გამოიწვია

,,ტოტენჰემთან'' მატჩის დროს ,,ლივერპულის'' ფანების ზეიმმა მიწისძვრა გამოიწვია. ინფორმაციას BBC ავრცელებს.

გამოცემის ცნობით, ყველაზე მეტად მიწისქვეშა ბიძგები შეხვედრის 24-ე წუთზე შეინიშნებოდა, როცა ,,მერსისაიდელებმა'' მე-2 გოლის გატანა შეძლეს. როგორც BBC წერს, ამ მომენტში მიწისძვრის სიძლიერე რიხტერის შკალაზე 1,74 იყო.

მე-2 ყველაზე დიდი ბიძგი (1,6) მოჰამედ სალაჰის გოლს მოჰყვა.

მართალია, ბიძგები საკმარისად ძლიერი არ ყოფილა იმისთვის, რომ ტრიბუნებზე გულშემატკივრებს შეეგრძნოთ, მაგრამ საკმარისად ძლიერი იყო იმისთვის, რომ ენფილდზე ნათელი და ხანგრძლივი კვალი დაეტოვებინა. - განაცხადა ლივერპულის უნივერსიტეტის პროფესორმა.