ლივერპული მარკო ასენსიოს დამატებას იანვარში გეგმავს
"ლივერპული" იანვარში "რეალის" შემტევის მარკო ასენსიოს შეძენას შეეცდება. ტაკუმი მინამინოს, დივოკ ორიგისა და სადიო მანეს წასვლის შემდეგ, მერსისაიდელები შეტევის გაძლიერებას ცდილობენ და როგორც ჩანს, ესპანელი მათი მთავარი სამიზნე იქნება. მართალია, მათ ახალგაზრდა ურუგვაელი შემტევი დარვინ ნუნიესი დაიმატეს, მაგრამ, როგორც ჩანს, ინგლისელებს კიდევ ერთი ფეხბურთელი სჭირდებათ წინა ხაზში.
Liverpool one of three clubs showing an interest in signing Marco Asensio, it has been claimed
— Liverpool FC News (@LivEchoLFC) September 14, 2022
Latest #LFC transfer rumourshttps://t.co/SeeduZ2smZ pic.twitter.com/IP4iFhUgxq
მიუხედავად იმისა, რომ გასულ სეზონში მარკომ 12 გოლი გაიტანა და ანჩელოტიმ მას "არაჩვეულებრივი" უწოდა, ესპანელს მოედანზე სათამაშოდ ძალიან ცოტა დრო ეძლევა. აქედან გამომდინარე, გასაგებია, რომ "ლოს ბლანკოსი" მზადაა მიიღოს შემოთავაზებები ასენსიოს თაობაზე. შეგახსენებთ, რომ 26 წლის ასენსიოს დედაქალაქურ კლუბთან კონტრაქტი 12 თვით აკავშირებს.