ლიგა 1-ის ხელფასები - ვინ რამდენს გამოიმუშავებს საფრანგეთის ჩემპიონატში?

ფრანგულმა გამოცემამ, L’Equipe-მა ლიგა 1-ის ფეხბურთელების ანაზღაურების შესახებ განახლებული ინფორმაცია გაავრცელა.

გასაკვირი არ არის, რომ საფრანგეთის ჩემპიონატის ყველაზე მაღალანაზღაურებად მოთამაშეებს შორის ,,პარი სენ ჟერმენის'' ფეხბურთელების აბსოლუტური დომინაციაა - რეიტინგის პირველი 12 წევრი სწორედ პარიზული კლუბიდანაა.

თვიური ხელფასით ლიგა 1-ში მე-6 ადგილს იკავებს ხვიჩა კვარაცხელია, რომლის ანაზღაურება 900 000 ევროა. ამ მხრივ ქართველი შემტევი ადგილს თანაგუნდელ ვიტინიასთან ერთად იყოფს, რომელიც თვეში ასევე 900 000 ევროს იღებს.

პირველ პოზიციაზე 1,5 მილიონი ევროთი უსმან დემბელეა, რომელიც მეორეადგილოსან მარკინიოსს 380 000 ევროთი უსწრებს. ხუთეულში, ასევე, ლუკას ერნანდესი, აშრაფ ჰაკიმი და უორენ ზაირ-ემერი მოხვდნენ.

L'Equipe-ს ცნობით, ,,ლიონში'' თვეში 280 000 ევროს გამოიმუშავებს გიორგი მიქაუტაძე (მე-7 გუნდში), ,,სენტ ეტიენში'' კი ზურიკო დავითაშვილის თვიური ხელფასი 60 000 ევროა (მე-3 გუნდში).

ლიგა 1-ის 10 ყველაზე მაღალანაზღაურებადი ფეხბურთელი (მოცემულია თვიური ხელფასები):

1. უსმან დემბელე - 1,5 მილიონი ევრო

2. მარკინიოსი - 1,12 მილიონი ევრო

3. ლუკას ერნანდესი - 1,1 მილიონი ევრო

4. აშრაფ ჰაკიმი - 1,1 მილიონი ევრო

5. უორენ ზაირ-ემერი - 950 000 ევრო

6. ვიტინია - 900 000 ევრო

7. ხვიჩა კვარაცხელია - 900 000 ევრო

8. ჯანლუიჯი დონარუმა - 849 500 ევრო

9. ნუნუ მენდეში - 800 000 ევრო

10. კიმპემბე - 640 000 ევრო