ლევერკუზენი გერმანიის თასიდან მესამე ლიგის გუნდმა გააგდო და ფინალში გავიდა

"ბაიერ ლევერკუზენი" გერმანიის თასიდან მესამე ლიგის გუნდმა გააგდო და ფინალში გავიდა. ნახევარფინალში "არმინიამ" ბაიერი საკუთარ მოედანზე მიიღო და 2:1 დაამარცხა.

გერმანიის მოქმედმა ჩემპიონებმა და წყვილის აშკარა ფავორიტმა შეხვედრა კარგად დაიწყო, ლევერკუზენი მე-17 წუთზე ჯონათან ტამ დააწინაურა, თუმცა ზუსტად 3 წუთში არმინიას 20 წლის ნახევარმცველმა, მარიუს ვორლმა წონასწორობა აღადგინა, გამარჯვების გოლი კი პირველი ტაიმის დამატებულ წუთზე, მაქსიმილიან გროსერის ანგარიშზეა.

არმინია, რომელიც ამ მომეტისთვის გერმანიის მე-3 ლიგის მეოთხე ადგილზეა, ისტორიაში პირველად მოიპოვა DFB Pokal-ის ფინალის საგზური. მეორე ფინალისტის ვინაობა "ლაიფციგისა" და "შტუტგარტის" წყვილში გაირკვევა.