ლევანდოვსკიზე წინ მხოლოდ გერდ მიულერია

3 წლის წინ ფეხბურთი

2 წთ

ბუნდესლიგის 25-ე ტურში "ვერდერისა" და მიუნხენის "ბაიერნის" დაპირისპირება შედგა. ჰანს-დიტერ ფლიკის შეგირდებმა ანგარიშით 1:3 იმარჯვეს. შეხვედრაში ანგარიში ლეონ გორეტსკამ გახსნა 22-ე წუთზე, მიუნხენელთა უპირატესობა ორამდე 35-ე წუთზე სერჟ გნაბრიმ გაზარდა. თავისი მორიგი გოლი გაიტანა "ბაიერნის" პოლონელმა სუპერვარსკვლავმა რობერტ ლევანდოვსკიმაც. პოლონელმა თავის გამოჩენა მატჩის 67-ე წუთზე შეძლო და "რეკორდმაისტერის" უპირატესობა სამბურთიანი გახადა. ერთადერთი, რაც ბრემენელებმა შეძლეს, 86-ე წუთზე ერთი ბურთის გაქვითვა იყო. "ვერდერის" კარში გატანილი გოლი ლევანდოვკისთვის ბუნდესლიგის მიმდინარე სეზონში 32-ე, საერთო ჯამში კი 268-ე გამოდგა. ამ შედეგით პოლონელი თავდამსხმელი ბუნდესლიგის ისტორიაში საუკეთესო ბომარდირებს შორის მე-2 ადგილზე გადავიდა და ახლა მასზე წინ მხოლოდ ლეგენდარული გერდ მიულერია.

ბუნდესლიგაში 268 გოლის გასატანად რობერტ ლევანდოვკის 345 შეხვედრის ჩატარება დასჭირდა. ბაიერნის ცხრიანი გატანილი გოლების რაოდენობით კლაუს ფიშერს გაუთანაბრდა და მხოლოდ გერდ მიულერს ჩამორჩება. თუმცა აღსანიშნავია, რომ კლაუს ფიშერმა ბუნდესლიგაში 268 გოლი 535 შეხვედრაში გაიტანა. შესაბამისად მას ლევანდოვსკიზე 190 მატჩით მეტის ჩატარება დასჭირდა. ლევანდოვსკიმ 73 გოლი "დორტმუნდის" შემადგენლობაში თამაშისას გაიტანა, ხოლო 195 ბურთი "ბაიერნის" მაისურით 215 შეხვედრაში შეაგდო. ბუნდესლიგის ყველა დროის საუკეთესო ბომბარდირებში ლევანდოვსკიზე წინ ახლა მხოლოდ ლეგენდარული გერდ მიულერია, რომელმაც "ბაიერნის" მაისურით 427 შეხვედრაში 365 გოლის გატანა შეძლო. გამოდის პოლონელს "დერ ბომბერამდე" 97 გოლი აკლია. საინტერესოა, თუ შეძლებს ლევანდოვსკი მიულერის შედეგის გაუმჯობესებას და ბუნდესლიგის ყველა დროის საუკეთესო მეგოლის წოდების მოპოვებას. აღნიშნულ ფაქტთან დაკავშირებით პოლონელმა საკუთარი ტვიტერის გვერდზე დაწერა:

" ვამაყობ, რომ ბუნდესლიგაში 268 გოლის გატანა შევძელი, მსგავსად ლეგენდარული კლაუს ფიშერისა. ჩემი სურვილია, რომ ჩემს მიერ გატანილი გოლები "ბაიერნთან" ერთად ახალი ტიტულების მოგებაში დაგვეხმაროს".

ვალერიან სიხარულიძე

სხვა სტატიები

ლევანდოვსკის აგენტმა ბაიერნს შეატყობინა, რომ თავდამსხმელს ბარსელონაში გადასვლა სურს

არტეტა: "კმაყოფილი ვარ ბიჭებით, წინ პრემიერ ლიგის ტიტულია..."