ლაციოს გულშემატკივარი, რომელმაც ედოარდო ბოვეს ლუდის ბოთლი ესროლა დაისაჯა

კოპა იტალიის მეოთხედფინალში, სადაც "ლაციო" "რომას" დაუპირისპირდა მეორე ტაიმში ინციდენტი მოხდა.

"ლაციოს" გულშემატკივარმა ედოარდო ბოვეს ლუდის ბოთლი ესროლა, ამ ქმედების გამო რომის პოლიციამ ქომაგს 4 წლით სტადიონზე მისვლა და თამაშებზე დასწრება აუკრძალა - ამის შესახებ ინფორმაციას La Repubblica აქვეყნებს.

1/4-ფინალურ ეტაპზე "ლაციომ" "რომა" 51-ე წუთზე მატია ძაკანის ზუსტად შესრულებული თერთმეტმეტრიანის წყალობით დაამარცხა. მატჩი 1:0 დასრულდა.

შემდეგ 1/2-ფინალურ ეტაპზე "ლაციო" "იუვენტუსს" დაუპირისპირდება.