ლამინე იამალმა ბარსელონასთან კონტრაქტი გაახანგრძლივა

ლამინე იამალმა ბარსელონასთან ახალ ხელშეკრულებას მოაწერა ხელი. კონტრაქტის თანახმად ესპანელი ფეხბურთელი ,,ბლაუგრანას'' ღირსებას 2031 წლის 30 ივნისამდე დაიცავს.

მიუხედავად იმისა, რომ იამალი ჯერ მხოლოდ 17 წლისაა, მან ბარსელონას მაისურით უკვე 106 შეხვედრა ჩაატარა, 25 გოლი გაიტანა და 34 საგოლე გადაცემა მიითვალა.

ლამინემ ესპანურ გრანდთან ერთად ლა ლიგის (2-ჯერ), ქვეყნის თასისა და სუპერთასის მოგება შეძლო.