la republica: "კვარაცხელიას კონტრაქტის გახანგრძლივების საკითხი მალე გაოფიციალურდება"

იტალიური მედია საშუალება la republica საქართველოს ნაკრებისა და "ნაპოლის" შემტევის, ხვიჩა კვარაცხელიას შესახებ ინფორმაციას ავრცელებს.

კონკრეტულად, საუბარი 23 წლის ქართველ ვარსკვლავსა და იტალიის სამგზის ჩემპიონს შორის კონტრაქტის გახანგრძლივებას ეხება. სტატიაში აღნიშნულია, რომ საკითხი, რომელზე მუშაობაც უკვე რამდენიმე თვეა აქტიურად მიმდინარეობს, უახლოეს პერიოდში გადაწყდება.

ხვიჩა კვარაცხელიამ იტალიის სერია A-ს მეორე ტურის მატჩში, "ბოლონიასთან" ბრწყინვალე თამაში ჩაატარა და გოლის გატანა, საგოლე პასის გაკეთება და შეხვედრის საუკეთესო მოთამაშის წოდების მოპოვება მოახერხა.