ლა ლიგის საუკეთესო ახალგაზრდა ფეხბურთელად ლამინე იამალი დასახელდა

ლა ლიგის საუკეთესო ახალგაზრდა ფეხბურთელად, "ბარსელონასა" და ესპანეთის ეროვნული ნაკრების 16 წლის შემტევი - ლამინე იამალი დასახელდა.

ლამინე იამალმა ლა ლიგის მიმდინარე სეზონში 37 მატჩი ჩაატარა, სადაც 5 გოლის გატანა და 8 საგოლე გადაცემის შესრულება შეძლო.

გარდა იამალისა, ამ ტიტულისთვის: როდრიგო ("რეალი"); ტაკეფუსა კუბო ("სოსიედადი"); ნიკო უილიამსი ("ბილბაო") და პაუ კუბარსი ("ბარსელონა") იბრძოდნენ.

აქვე შეგახსენებთ, რომ ლა ლიგის მიმდინარე სეზონის საუკეთესო მოთამაშედ - ჯუდ ბელინგემი დასახელდა.