ლა ლიგის ოქტომბრის თვის საუკეთესო ფეხბურთელად რობერტ ლევანდოვსკი დასახელდა

,,ბარსელონას'' თავდამსხმელი, რობერტ ლევანდოვსკი ლა ლიგის გასული თვის საუკეთესო ფეხბურთელად დაასახელეს.

ოქტომბერში პოლონელმა თავდამსხმელმა კატალონიური გუნდის მაისურით ჩატარებულ 6 შეხვედრაში 5 გოლი გაიტანა და 2 საგოლე გადაცემა მიითვალა.

ლევანდოვსკიმ გამოკითხვაში ანტუან გრიზმანს, ფედერიკო ვალვერდეს, ხოსელუს, ისი პალასონს, ბრაის მენდესსა და სერხიო ლეონს აჯობა.

ლა ლიგის აგვისტოს თვის საუკეთესო ფეხბურთელად ბორხა იგლესიასი დასახელდა, სექტემბრის კი - ფედერიკო ვალვერდე.