ლა ლიგაში მალაგა აღზევდა

მალაგა ოფიციალურად გახდა მესამე გუნდი, რომელიც მომავალი სეზონის ლა ლიგის ცხრილს დააკომპლექტებს. მალაგამ სტუმრად ალმერია (1:2) დაამარცხა და 8-წლიანი 'განშორება' დაასრულა (ამ გუნდებს შორის პირველი დაპირისპირება ფრედ, 0:0 დასრულდა).

დაძაბული საწყისი პერიოდის შემდეგ, მალაგამ ანგარიში 64-ე წუთზე გახსნა - ჩუპემ კარგად გააზრებული შეტევით თავის გუნდს გადამწყვეტი უპირატესობა მისცა თამაშში, სადაც სხვაობა მინიმალური იყო. სულ რაღაც ექვსი წუთის შემდეგ, სტუმარმა გუნდმა ლიდერობა გააორმაგა. დავიდ ლარუბიამ 70-ე წუთზე გაიტანა. ალმერიამ სწრაფად უპასუხა. 75-ე წუთზე ლეო ბაპტისტაომ ერთი გოლი გაქვითა და დაძაბულობა დააბრუნა, მალაგა იძულებული გახდა მთლიანად დაცვის ზღუდეების აშენებისთვის დაეთმო დრო - მატჩის ბოლო წუთებზე ორივე გუნდი 10 კაცით დარჩა, სტუმრებმა კი სასურველი შედეგი შეინარჩუნეს.

ლა ლიგა 2-ში პირველი და მეორე ადგილები რასინგმა (გიორგი გულიაშვილის კლუბი) და დეპორტივომ დაიკავეს, ამიტომ ეს ორი გუნდი პირდაპირი წესით აღზევდა, ახლა კი მათ მალაგაც შეუერთდა.