პრესეზონზე გამართულ ამხანაგურ შეხვედრაში, "ნაპოლისა" და თურქული "ადანასპორის" დაპირისპირება შედგა. მატჩი ფრედ 2:2 დასრულდა. ნეაპოლიტანური კლუბის მხრიდან ორივე გოლის ავტორი ირვინგ ლოზანო გახდა. აღსანიშნავია, რომ ლოზანომ პირველი გოლი ხვიჩა კვარაცხელიას გადაცემის შემდეგ გაიტანა.
შეცვლაზე შესულმა კვარაცხელიამ, ლოზანო ულამაზესი საგოლე გადაცემით მოამარაგა - ამ უკანასკნელმა კი თანაგუნდელის გარჯა გატანილი გოლით დააფასა.
"ნაპოლისა" და "ადანასპორის" მატჩის დასრულების შემდეგ, ჟურნალისტებს ელიფ ელმასი ესაუბრა, რომელიც კვარაცხელიასთან შესაძლო კონკურენციას დადებითად აფასებს.
"როდესაც მარცხენა ფლანგზე ვთამაშობ, ვცდილობ მაქსიმუმი გავიღო. მარიო რუის კარგად ვეწყობი და ხვიჩა კვარაცხელიასთან შესაძლო კონკურენცია მხოლოდ მახარებს. კონკურენცია არის ის, რაც ფეხბურთში ყველაზე მეტად მიყვარს! ცეკვა გატანილი გოლის აღნიშვნის შემდეგ? არ ვიცი, ამაზე ჯერ არ მიფიქრია".
.32.webp)
