"კვარას ბრწყინვალე უნარები" - Italian Football TV

საქართველოს ნაკრებმა ევროპის ჩემპიონატის საკვალიფიკაციო ეტაპის მე-3 ტურის მატჩში, სტუმრად კვიპროსი 1:2 დაამარცხა. კვიპროსთან გამართულ შეხვედრაში ყველაზე მაღალი შეფასება ხვიჩა კვარაცხელიამ დაიმსახურა, რომელმაც 90 წუთი ითამაშა, ბურთს 58-ჯერ შეეხო, კარისკენ 4-ჯერ დაარტყა და 27-დან 23 (85%) სწორი გადაცემა გააკეთა.

ვებგვერდმა WhoScored.com-მა ხვიჩა კვარაცხელია გამოარჩია და 9-ქულიანი შეფასება დაუწერა. აღსანიშნავია, რომ WhoScored.com-მა ევრო 2024-ის საკვალიფიკაციო ეტაპის მე-3 ტურის სიმბოლური გუნდი შეადგინა, რომელშიც ხვიჩა კვარაცხელიაც მოხვდა.

Italian Football TV-ის Twitter-ის ოფიციალურ გვერდზე ხვიჩა კვარაცხელიას ბრწყინვალე უნარების ვიდეო განთავსდა. სოციალურ ქსელებში გავრცელებულ კადრებში, კვარას გასაოცარი ცრუმოძრაობებია ასახული.