არ იდარდოთ, ჩვენ ჩავიხუტებთ თქვენს ყოფილ ჯარისკაცს!

4 დღის წინ ფეხბურთი

1 წთ

საფრანგეთის ლიგა 1-ის მე-19 ტურში ხვიჩა კვარაცხელიას დებიუტი შედგა. "პსჟ"-მ "რეიმსს" უმასპინძლა და შეხვედრა ფრედ, 1:1 დასრულდა. კვარამ პირველივე შეხვედრაში გამოიჩინა თავი - უსმან დემბელეს სწორედ ქართველმა გაატანინა. მატჩის დასრულების შემდეგ, პსჟ-ს გულშემატკივრებმა ხვიჩას დებიუტი შეაფასეს, სოციალურ ქსელებში აქტიურობდნენ "ნაპოლის" ფანებიც.

მალე წაშლი ამ ფოტოს კვარა, ძალიან სამწუხაროა შენი ნახვა სხვა გუნდის ფორმაში.

არ იდარდოთ, ჩვენ ჩავიხუტებთ თქვენს ყოფილ ჯარისკაცს! ის ძალიან ბედნიერი იყო ჩვენთან კონტრაქტის გაფორმებით. რაც შეეხება ნაპოლის, იმედი მაქვს, რომ ჩემპიონები გახდებით, რადგან ნაპოლი დიდი გუნდია.

ჩვენ "იუვენტუსთან" მოვიგეთ, თქვენ კი რეიმსთან ითამაშედ ფრედ - შესანიშნავი დასაწყისია.

გილოცავ დებიუტს, მაგრამ ნახე რას კარგავ ნაპოლიში. დაუჯერებელი ატმოსფეროა, შეგეძლო დაგვხმარებოდი და დარჩენილიყავი ივნისამდე. შეგვიძლია სკუდეტოსთვის ვიბრძოლოთ და შენც მარადონას მსგავსად, ორ ჩემპიონობას იზეიმებდი.

კვარა ძალიან კარგი იყო, თუმცა როცა დემბელე "ბარსაში" თამაშობდა, ჩვენ მას "პანიკაში ჩავარდნილ ფეხბურთელს" ვეძახდით და არაფერი შეცვლილა, ბურთს ფეხში ვერ იჩერებს და ხშირად მისი დარტყმული მოედანს სცდება.

პირველი მატჩით მსჯელობა და დიდი დასკვნების გამოტანა არ ღირს, თუმცა არ მგონია, რომ ეს კარგი გამოსვლა იყო.

აღმოჩნდა, რომ რეიმსი "მანჩესტერ სიტიზე" უკეთესია, მაგრამ მე ეს ფორმები მაწუხებს - უნდა შევწყვიტოთ მსგავსი მაისურებით თამაში: მანდარინის ენა, არაბული, მალე ალბათ უზბეკურიც იქნება... თან ეს ფორმები ძალიან იაფია.

საშინელი თამაში იყო, გონსალო რამოში გაუშვით, ევროპაში ყველაზე ცუდი თავდამსხმელია.

პირველი თამაში და პირველი ასისტი - მშვენიერი დასაწყისია, დროა გვირგვინი მოირგო.

კვარადონადან მისი სახელი, შეიძლება, 'კვაპოლეონად' გადაკეთდეს. - ვკითხულობთ პსჟ-სა და კვარაცხელიას სოციალური ქსელების კომენტარებში

პსჟ-ს მომავალი თამაში ლიგის ფაზის მე-8 ტურში, სტუმრად, "შტუტგარტთან" ელის. ხვიჩა ამ მატჩში მონაწილეობას არ მიიღებს, თუმცა თუ ფრანგული კლუბი საუკეთესო 24-ში მოხვდება, ქართველის დარეგისტრირება შეეძლება და კვარაცხელია ყველა ტურნირზე თამაშის უფლებას მიიღებს.

რომა დევიძე

სხვა სტატიები

ნასერ ალ-ხელაიფი: "ლუის ენრიკემ დაამტკიცა, რომ მსოფლიოს საუკეთესო მწვრთნელია"

ხვიჩა კვარაცხელია: "ეს ფეხბურთელები და კლუბი ზრუნავენ ჩემზე"