კუმანის ორმაგი სტანდარტი? მწვრთნელი დეპაის კორინთიანსში წასვლას უპრობლემოდ შეხვდა

ნიდერლანდების ნაკრების მწვრთნელმა, რონალდ კუმანმა, ეროვნული ნაკრების ფეხბურთელის ტრანსფერზე კომენტარი კიდევ ერთხელ გააკეთა, თუმცა კამათს თავი აარიდა. მას შემდეგ რაც მან გააკრიტიკა სტივენ ბერგვაინი, საუდის არაბეთში გადასვლის გამო, მწვრთნელი უფრო ფრთხილი იყო, როდესაც საქმე მემფის დეპაის "კორინთიანსში" გადასვლას შეეხო.

შეგახსნებთ, რომ კუმანმა ნაკრებიდან სტივენ ბერგვაინი იმის გამო დაითხოვა, რომ ევროპიდან საუდის არაბეთს 26 წლის ასაკში მიაშურა. თავად ბერგვაინმა კი ყოფილ მწვრთნელს უპასუხა, რომ თავადაც არასდროს იმუშავებდა კაცთან, რომელიც მას საჯაროდ აყენებს შეურაცხყოფას.