კოულ პალმერმა ჩელსის რეკორდი დაამყარა

პრემიერლიგის 33-ე ტურში ,,ჩელსი'' ,,ევერტონს'' მასპინძლობს და პირველი ტაიმის შემდეგ 4:0-ს ანადგურებს.

მატჩში ჰეთ-თრიკი გაიფორმა ლონდონური გუნდის შემტევმა, კოულ პალმერმა, რომელმაც ისტორიული შედეგი დააფიქსირა - 21 წლის ინგლისელი გახდა პირველი ფეხბურთელი ,,ჩელსის'' ისტორიაში, ვინც საკუთარ მოედანზე გოლის გატანა პრემიერლიგის ზედიზედ 7 შეხვედრაში შეძლო.

მიმდინარე სეზონში პალმერის ანგარიშზე ,,არისტოკრატთა'' მაისურით ჩატარებულ 41 მატჩში 24 გოლი და 13 საგოლე გადაცემაა.