კოპა ამერიკის ჯგუფები ცნობილია

დღეს, მაიამიში, 2024 წლის კოპა ამერიკის წილისყრა გაიმართა.

მსოფლიოს მოქმედი ჩემპიონი - არგენტინის ეროვნული ნაკრები (რომელიც კოპა ამერიკის მოქმედი ჩემპიონიცაა) A ჯგუფში პერუსთან, ჩილესთან და კანადასთან ან ტრინიდადი და ტობაგოსთან ერთად ითამაშებს.

D ჯგუფშია ტურნირის კიდევ ერთი ფავორიტი ბრაზილია, რომლის მეტოქეები კოლუმბია, პარაგვაი და ჰონდურასი ან კოსტა რიკა იქნებიან.

კოპა ამერიკის ყველა მონაწილე 23 მარტს, კონკაკაფის ფლეი-ინში გამოვლინდება - კანადა ტრინიდადი და ტობაგოს შეხვდება, კოსტა რიკა - ჰონდურასს, ამ მატჩებში გამარჯვებული ორი ქვეყანა კი აშშ-ში ითამაშებს.

2024 წლის კოპა ამერიკას 20 ივნისიდან 14 ივლისის ჩათვლით ამერიკის შეერთებული შტატები უმასპინძლებს. ტურნირის მოქმედი ჩემპიონი არგენტინის ნაკრებია, რომელმაც 2021 წელს ფინალში ბრაზილიას მოუგო.

ყველა ჯგუფი:

• A ჯგუფი - არგენტინა, პერუ, ჩილე, კანადა/ტრინიდადი და ტობაგო

• B ჯგუფი - მექსიკა, ეკვადორი, ვენესუელა, იამაიკა,

• C ჯგუფი - აშშ, ურუგვაი, პანამა, ბოლივია

• D ჯგუფი - ბრაზილია, კოლუმბია, პარაგვაი, კოსტა რიკა/ჰონდურასი