კონტე ლაციოსთან მატჩზე: ,,რა თქმა უნდა, წასაგებად არ გვითამაშია''
2 კვირის წინ
ფეხბურთი
1 წთ
,,ნაპოლის'' მთავარმა მწვრთნელმა, ანტონიო კონტემ, იტალიის თასზე ,,ლაციოსთან'' წაგებული მატჩი შეაფასა:
,,ხაზგასმით მინდა აღვნიშნო, რომ წასაგებად არ გვითამაშია! თასიდან უფრო ადრე რომ გავვარდნილიყავით, არ მექნებოდა იმის საშუალება, რომ დრო მიმეცა იმ ფეხბურთელებისთვის, რომლებიც ნაკლებს თამაშობენ. შემადგენლობა საგულდაგულოდ შევარჩიეთ.
პალერმოსთან მოგებულ მატჩშიც (ნაპოლიმ თასის 1/16-ფინალში პალერმოს 5:0 მოუგო) ასეთი თერთმეტეული გვყავდა. წინ გრძელი სეზონია და ვერ გვექნება იმის იმედი, რომ არავინ დაშავდება. ბიჭები შანსს იმსახურებდნენ და სამწუხაროა, რომ დავმარცხდით, რადგან მომდევნო ეტაპზე გასვლა ყველას გვინდოდა.
შეხვედრის სტატისტიკა ვნახე, თანაბარი თამაში გამოვიდა. მეტოქეს არც დარტყმებში და არც ბურთის ფლობაში უპირატესობა არ ჰქონია. ალბათ, გაშვებული გოლების მომენტებში უკეთ უნდა გვეთამაშა.
კვირას ლაციოს წინააღმდეგ განსხვავებული მატჩი გველის - სერია A-ში ვითამაშებთ, თანაც საკუთარ მოედანზე. რა თქმა უნდა, ეს შესანიშნავი გუნდია, რომელსაც ძალიან ძლიერი შემადგენლობა ჰყავს.'' - ანტონიო კონტე
იტალიის თასის მერვედფინალში ,,ნაპოლი'' ,,ლაციოსთან'' სტუმრად 1:3 დამარცხდა და ტურნირს გამოეთიშა.
ანტონიო კონტემ მოედანზე გადახალისებული შემადგენლობა გაიყვანა და ძირითადი თერთმეტეულის ფეხბურთელები დაასვენა.
სხვა სტატიები
.32.webp)
.32.webp)
