კიმ მინ-ჯე სამხედრო სამსახურს 15 ივნისიდან დაიწყებს

კიმ მინ-ჯე, რომელმაც იტალიის სერია A მოიგო, სამხრეთ კორეის ივნისის საერთაშორისო მატჩებში მონაწილეობას არ მიიღებს. მიზეზი კი, ფეხბურთელის სავალდებულო სამხედრო სამსახურში გაწევაა. მცველს სამხედრო წვრთნების გავლა სამი კვირის განმავლობაში მოუწევს.

"ჩვენ კიმ მინ-ჯესგან მივიღეთ შეტყობინება, რომ სამხედრო წვრთნებს 15 ივნისს დაიწყებს. ამიტომ გადაწყდა, რომ ის ივნისის შეხვედრებში მონაწილეობას ვერ მიიღებს." - განაცხადა კორეის ფეხბურთის ასოციაციის ოფიციალურმა წარმომადგენელმა.

კორეის ნაკრები პერუსა და სალვადორის წინააღმდეგ ორ ამხანაგურ შეხვედრას გამართავს.

აღსანიშნავია, რომ კორეელი მცველი მიმდინარე სეზონში სერია A-ს სიმბოლურ გუნდშიც დასახელდა.