კილიან მბაპე თავს უკეთ გრძნობს და ლილის წინააღმდეგ რეალის განაცხადში იქნება

კილიან მბაპე თავს უკეთ გრძნობს და "ლილის" წინააღმდეგ "რეალის" განაცხადში იქნება, ფაბრიციო რომანოს ინფორმაციით ფრანგმა ვარსკვლავმა კუნთის ტრავმა მოიშუშა და თუ გუნდის სამწვრთნელო შტაბი მის მოედანზე შეყვანას გადაწყვეტს, კილიანი მზად იქნება, რომ გუნდს დაეხმაროს.

შეგახსენებთ, რომ კილიან მბაპეს მე-7 ტურის შეხვედრაში, "ალავესის" წინააღმდეგ კუნთის ტკივილმა შეაწუხა და მე-80 წუთზე შეცვლა ითხოვა, მატჩის შემდეგ ფრანგი ფეხბურთელის ტრავმა უფრო სერიოზული ჩანდა ვიდრე დღეს, ჩატარებულმა სამედიცინო კვლევებმა აჩვენა, რომ კილიანს მარცხენა ფეხის ბარძაყის კუნთი ჰქონდა დაზიანებული და ტრავმის გამო მინიმუმ 3 კვირას გამოტოვებდა.

მადრიდის "რეალი" "ლილის" წინააღმდეგ ჩემპიონთა ლიგის შეხვედრას 2 ოქტომბერს გამართავს, მატჩი 23:00 საათზე დაიწყება.