კილიან მბაპე: "სპორტული ნიღაბი ბევრჯერ შევცვალე"

დღეს საფრანგეთის ეროვნული ნაკრები ბელგიას, ევრო 2024-ის მერვედფინალურ მატჩში დაუპირისპირდება. მთელი ტურნირის განმავლობაში ფრანგების, ლიდერს, კილიან მბაპეს დისკომფორტით უწევს თამაში და ვარჯიში. გატეხილი ცხვირის გამო მბაპე მინდორზე დღესაც სახის დამცავი ნიღბით გამოვა, ინტერვიუში კი აღნიშნავს, რომ მისთვის ასე გადაადგილება პრობლემებს ქმნის და თამაში არასრულფასოვანი ხდება.

მბაპემ ცხვირი ევროპის ჩემპიონატის საფრანგეთის პირველივე მატჩში, 17 ივნისს, ავსტრიასთან გაიტეხა. ის შეხვედრა ფრანგებმა 1:0 მოიგეს. ტრავმის გამო, კილიანმა მეორე ტურის თამაში ნიდერლანდებთან გამოტოვა, მესამე ტურში კი პოლონეთთან სპორტული ნიღბით პირველად გამოჩნდა.