ხვიჩა კვარაცხელიას შეფასება ინტერის წინააღმდეგ | ფრე ჯუზეპე მეაცაზე

სერია A-ს მე-12 ტურის შეხვედრაში "ინტერმა" "ნაპოლის" უმასპინძლა და მატჩი ფრედ 1:1 დასრულდა. შეხვედრის 23-ე წუთზე სკოტ მაკტომინეიმ ანგარიში გახსნა, ხოლო 43-ე წუთზე ჰაკან ჩალჰანოღლუმ გაათანაბრა და საბოლოო შედეგიც დაფიქსირდა.

ხვიჩა კვარაცხელიამ მატჩში შეუცვლელად ითამაშა, Sofascore-მა კვარას 7.5 შეფასება დაუწერა, ის მხოლოდ ბარელას ჩამორჩა (7.7). ქართველმა ფეხბურთელმა თითო-თითოჯერ კარში და კარისკენ დაარტყა, 3-ჯერ ჰქონდა დრიბლინგის მცდელობა და 1 წარმატებული გამოდგა, ბურთს 51-ჯერ შეეხო, 31 გადაცემიდან 30 ზუსტი იყო (97%), 9 ორთაბრძოლიდან 5-ში გამარჯვებული დარჩა.

Whoscored-მა ხვიჩა კვარაცხელია 6.8-ით შეაფასა.

"ნაპოლი" სატურნირო ცხრილს 26 ქულით (8 მოგება, 2 ფრე, 2 მარცხი) კვლავ ლიდერობს, მაგრამ სერია A-ში მდგომარეობა ძალიან დაიძაბა, სიტუაცია ასე გამოიყურება: მეორე, მესამე, მეოთხე და მეხუთე ადგილს 25-25 ქულით იკავებს, "ატალანტა", "ფიორენტინა", "ინტერი" და "ლაციო". მეხუთე ადგილზე კი 24 ქულით ტურინის "იუვენტუსია".

ამ ტურის შემდეგ სანაკრებო შესვენებაა. 24 ნოემბერს, 21:00 საათზე კი "ნაპოლი" "რომას" დაუპირისპირდება.

ხვიჩა კვარაცხელიას მიმდინარე სეზონში 5 გოლი და 2 საგოლე გადაცემა აქვს.