ხვიჩა კვარაცხელია განაცხადშია და სათამაშოდ მზადაა

წინასწარ ვიცოდით, რომ ჩემპიონთა ლიგის (ლიგის ფაზის) დარჩენილ 2 მატჩში, ხვიჩა კვარაცხელია ვერ ითამაშებდა, რადგან წესების მიხედვით, მისი ამ ტურნირზე რეგისტრაცია სექტემბრამდე უნდა მომხდარიყო. დღეს "პსჟ", ლიგა 1-ის მე-19 ტურის მატჩში, "რეიმსს" მასპინძლობს. რამდენიმე წუთის წინ, პარიზულმა გრანდმა ოფიციალური განაცხადი გამოაქვეყნა, რომელშიც ხვიჩა კვარაცხელიაცაა.

გუშინ ლუის ენრიკემ ხვიჩაზე ისაუბრა და აღნიშნა, რომ მისი სათამაშო ფორმა მოსწონს, ქართველი ინტენსიურად ვარჯიშობს და ის თამაშისთვის მზადაა - ყველაფერი იმაზე მიუთითებს, რომ ხვიჩა კვარაცხელიას ახალ კლუბში დებიუტი სწორედ დღეს, რეიმსის წინააღმდეგ შედგება.