ხვიჩა კვარაცხელია: "არ აქვს მნიშვნელობა გოლს ვინ გაიტანს"

26 მარტს, დინამო არენაზე საქართველოს ეროვნული ნაკრები, ისტორიაში ერთ-ერთ ყველაზე მნიშვნელოვან მატჩს ჩაატარებს. ევრო 2024-ის ჯგუფურ ეტაპზე მოსახვედრად, საქართველო საბერძნეთს უმასპინძლებს. საქართველომ ფინალში გასასვლელად ლუქსემბურგი, ბუდუ ზივზივაძის დუბლით დაამარცხა, საბერძნეთმა კი ყაზახეთი გაანადგურა (5:0). ფინალის წინ, ნაკრების ლიდერმა ხვიჩა კვარაცხელიამ მოახლოებულ შეხვედრაზე და გუნდის განწყობაზე ისაუბრა.

შეგახსნებთ, რომ ლუქსემბურგთან მატჩში ხვიჩა დისკვალიფიკაციის გამო გვაკლდა, მან ევრო 2024-ის შესარჩევი ეტაპის ჯგუფში 3 ყვითელი ბარათი მიიღო. კვარაცხელია საბერძნეთთან მატჩისთვის სრულ მზადყოფნაშია და ნაკრების შემადგენლობას დაუბრუნდება.