Belive

ხორვატიამ ჰარი კეინს განსაკუთრებული საჩუქარი გადასცა

2 დღის წინ ფეხბურთი
1 წთ

ინგლისისა და ხორვატიის მატჩამდე, ლუკა მოდრიჩმა ჰარი კეინს განსაკუთრებული საჩუქარი გადასცა. ვეტერანმა ხორვატმა, ოქროს ბურთის მოქმედ გამარჯვებულს იმ ისტორიული ბურთის ასლი აჩუქა, რომელიც ხორვატიულ და ინგლისურ ფეხბურთს შორის საუკუნოვანი კავშირის სიმბოლოა.

ხორვატიის ნაკრებმა კეინს მიმართა და ბურთის ისტორიაც გაიხსენა: "ორი გამორჩეული მიღწევა, რომლებიც შენს არაჩვეულებრივ კარიერასა და მემკვიდრეობას ასახავს. 1880 წელს ინგლისელმა მრეწველებმა ხორვატიაში პირველი ოქროს ბურთი ჩამოიტანეს, ქალაქ ჟუპანიას მოსახლეობას ეს ულამაზესი თამაში გააცნეს და საჩუქრად ბურთი დაუტოვეს, რომელიც ხორვატიული ფეხბურთის ისტორიის სიმბოლო გახდა".

ამ ჟესტით, ხორვატიის ნაკრებმა კეინის ოქროს ბურთის მოგებასა და ინგლისის ნაკრებში ყველაზე მეტი მატჩის ჩატარებას გაუსვა ხაზი. "უემბლიზე" გამართულ შეხვედრაში, ინგლისმა ხორვატია 2:1 დაამარცხა. მასპინძელთა მხრიდან, გოლები მორგან როჯერსმა და ჰარი კეინმა გაიტანეს. ხორვატთა შემადგენლობიდან კი, თავი პეტარ სუჩიჩმა გამოიჩინა.

ეს კეინისთვის, ინგლისის ნაკრებში 126-ე მატჩი იყო, რითაც ბაიერნის ფორვარდმა პიტერ შილტონს გადაასწრო. ამ გამარჯვებით, ინგლისმა ერთა ლიგის მომდევნო ეტაპზე გასვლა გაინაღდა. ამ ეტაპზე, ინგლისი მეორე ადგილზეა და მომდევნო შეხვედრაში ესპანეთის დამარცხების შემთხვევაში, პირველი ადგილის დაკავებაც შეუძლია.

სხვა სტატიები