ტომას ტუხელი: „ინგლისის ნაკრებს ევრო 2028-მდე არ დავტოვებ“
ტომას ტუხელი ევრო 2028-მდე ინგლისის ნაკრებიდან წასვლას არ აპირებს. გერმანელმა მწვრთნელმა სანაკრებო კარიერა მას შემდეგ დაიწყო, რაც გარეთ საუდგეიტი შეცვალა. ტუხელის ხელმძღვანელობით, ინგლისის ნაკრებმა მსოფლიო ჩემპიონატზე ბრინჯაოს მედალი მოიპოვა. თებერვალში გერმანელმა სპეციალისტმა კონტრაქტი კიდევ ორი წლით გაახანგრძლივა, რითაც საკუთარ მომავალთან დაკავშირებული სპეკულაციები დაასრულა. ევროპის ჩემპიონატს ინგლისი საკუთარ ქვეყანაში უმასპინძლებს.
ტუხელი აღიარებს, რომ კონტრაქტის ამოწურვის შემდეგ, ყველა შესაძლებლობას განიხილავს. მათ შორის, ინგლისის ნაკრებში დარჩენასაც. ამასთან, ტუხელი ეროვნულ გუნდში არსებულ გარემოსაც განსაკუთრებით აფასებს. მისთვის, მწვრთნელისა და ხელმძღვანელობის ურთიერთნდობას დიდი მნიშვნელობა აქვს. ტუხელი ამ მხრივ, ფეხბურთის ასოციაციის აღმასრულებელ დირექტორ მარკ ბულინგემსა და საფეხბურთო მიმართულების ხელმძღვანელს, დენ ეშვორთს გამოყოფს.
კონტრაქტში გამოსასყიდი პუნქტი არ არის და არც წასვლას ვაპირებ. ხელშეკრულებას ხელი მოვაწერე და მსურს, ევროპის ჩემპიონატამდე დავრჩე. ამ ტურნირში მონაწილეობა მინდა. ჩვენ საქმე ბოლომდე გვაქვს მისაყვანი.
ჩემი ფეხბურთელები და სამწვრთნელო შტაბი ძალიან მიყვარს. ხელმძღვანელები მენდობიან და მოსწონთ ის, რასაც ვაკეთებ. ეს ძალიან ბევრს ნიშნავს. ამას ძალიან ვაფასებ. ყველაფერი კარგად არის.
როცა მათ გვერდით არ ვარ, ჩემი მოთამაშეები ძალიან მენატრებიან. ძალიან მინდა, მათთან ერთად, ერთა ლიგა მოვიგო და ევროპის ჩემპიონობისთვისაც ვიბრძოლო. - ტომას ტუხელი
Thomas Tuchel has revealed he did not insert a release clause when he extended his England contract this year 🏴
— GOAL (@goal) November 12, 2026
Mauricio Pochettino is expected to leave his role as USA head coach to replace Michael Carrick at Man United, but England will not face the same problem with Tuchel… pic.twitter.com/HOVNDZnppv