კემპესი: ,,პსჟ-ს ფანებისთვის მტკივნეულია იმის დანახვა, რომ მესი მათ გუნდში ისე არ თამაშობს, როგორც კატარში ითამაშა''

რამდენიმე კვირის წინ, ,,პარი სენ ჟერმენის” გულშემატკივრებმა ,,ლიონთან” მატჩის წინ, პარიზული გუნდის თავდამსხმელს, ლეო მესის უსტვინეს, რასაც არგენტინის ეროვნული ნაკრების ყოფილი ფეხბურთელი, მარიო კემპესი გამოეხმაურა:

,,აი, რა ხდება: ის თამაშობს საფრანგეთში, ქვეყანაში, რომელიც მსოფლიო ჩემპიონატის ფინალში არგენტინას შეხვდა და დამარცხდა, მესი კი მატჩის ვარსკვლავი გახდა.

,,პსჟ-ს'' გულშემატკივრებისთვის მტკივნეულია იმის დანახვა, რომ მსოფლიოს საუკეთესო ფეხბურთელი მათ გუნდში ისე არ თამაშობს, როგორც კატარში,'' - კემპესის სიტყვებს Mundo Deportivo ციტირებს.

მიმდინარე სეზონში მესის ანგარიშზე ,,პარი სენ ჟერმენის” მაისურით ჩატარებულ 36 შეხვედრაში 20 გოლი და 19 საგოლე გადაცემაა.