კარლო ანჩელოტი: "ბელინგემს გოლების გატანა არ ევალება"

2024-25 წლების სეზონში, ჯუდ ბელინგემს ჯერ გოლი არ გაუტანია, რაც ცოტა მოულოდნელია იმის გათვალისწინებით, რომ პირველ სეზონში, ყველა ტურნირზე, 23 გოლი შეაგდო. კარლო ანჩელოტიმ განმარტა, რომ ბელინგემის გოლები მხოლოდ ბონუსია მადრიდის "რეალისთვის", თავად ჯუდს კი გუნდში გაცილებით სხვა, უფრო მნიშვნელოვანი როლი აქვს.

ლა ლიგის მოქმედი ჩემპიონი სამშაბათს, ჩემპიონთა ლიგის ფაზის მესამე შეხვედრას, დორტმუნდის "ბორუსიას" დაუპირისპირდება. კილიან მბაპე და ბელინგემი სასტარტო შემადგენლობისთვის მზად არიან.