ქარიმ ბენზემა მსოფლიო ჩემპიონატს გამოტოვებს

საფრანგეთის ეროვნული ნაკრების თავდამსხმელი, ქარიმ ბენზემა მსოფლიო ჩემპიონატზე ტრავმის გამო ვერ ითამაშებს. ინფორმაციას Le Parisien-ი ავრცელებს.

34 წლის ფეხბურთელს მარცხენა ბარძაყის კუნთი აწუხებს.

თავდაპირველად, ფრანგულ მედიაში დაიწერა, რომ ქარიმი ტრავმის გამო მხოლოდ ჯგუფური ეტაპის პირველ მატჩს გამოტოვებდა, თუმცა დაზიანება უფრო სერიოზული აღმოჩნდა.

დეშამის გუნდმა ტრავმის გამო ერთი შემტევი უკვე დაკარგა - მსოფლიოს მოქმედ ჩემპიონებს ვერც კრისტოფერ ნკუნკუ დაეხმარება.

საფრანგეთის ეროვნული ნაკრები მსოფლიო ჩემპიონატზე D ჯგუფში ავსტრალიის, დანიისა და ტუნისის ნაკრებებთან ერთად იასპარეზებს.