კარიერის დასასრული? — მანუელ ნოიერმა 40 წლის მიწურულს არცთუ ისე მარტივი ტრავმა მიიღო
გერმანიის ბუნდესლიგის მე-9 ტურის შეხვედრაში ბაიერნმა მაინცი სტუმრად 1:2 დაამარცხა. მატჩის მთავარი მომენტი ტაიმის მიწურულს მოხდა, როდესაც მანუელ ნოიერმა დაზიანება მიიღო, როგორც შეხვედრის შემდეგ გახდა ცნობილი 40 წლის ლეგენდარულმა მეკარემ არც თუ ისე მარტივი ტრავმა მიიღო და სხვადასხვა წყაროს ინფორმაციით მას მინიმუმ 2 თვე გაუცდება.
მიუნხენის ბაიერნის განცხადება:
როგორც კლუბის სამედიცინო შტაბის მიერ ჩატარებულმა გამოკვლევამ დაადასტურა, გუნდის კაპიტანს მარჯვენა ტერფზე მყესის ნაწილობრივი გაწყვეტა დაუდგინდა. - მიუნხენის ბაიერნის განცხადება
ℹ️ 𝗠𝗮𝗻𝘂𝗲𝗹 𝗡𝗲𝘂𝗲𝗿 𝗳𝗮̈𝗹𝗹𝘁 𝘃𝗼𝗿𝗲𝗿𝘀𝘁 𝗮𝘂𝘀
— FC Bayern München (@FCBayern) November 8, 2026
Manuel Neuer wird dem FC Bayern vorerst fehlen. Der Kapitän hat sich beim 2:1-Auswärtssieg des deutschen Rekordmeisters am Samstag beim 1. FSV Mainz 05 einen Sehnenteilriss im rechten Fuß zugezogen.
Gute Besserung,… pic.twitter.com/Q1wYVH11nS
გერმანული გუნდის განცხადების გავრცელების შემდეგ თავად გერმანელმა მეკარემაც გამოაქვეყნა პოსტი სოციალურ ქსელში, სადაც წერია, რომ:
ტრავმა არასდროსაა დროული, თუმცა ეს ფეხბურთის ნაწილია. მსგავსი რამ წარსულშიც გადამიტანია და ამჯერადაც გავუმკლავდები. ახლა მთელი ყურადღება გამოჯანმრთელებაზეა გადატანილი. მანამდე კი, სადაც შევძლებ, გუნდელებს მოედანზე მხარს დავუჭერ. ძალიან ვაფასებ თქვენს გამამხნევებელ სიტყვებს. - მანუელ ნოიერი
აქვე გეტყვით, რომ მანუელ ნოიერმა მაინცთან რეკორდი დაამყარა ის 40 წლის და 225 დღის ასაკში ბაიერნის ისტორიაში ყველაზე ასაკოვანი ფეხბურთელი გახდა, რომლითაც ბერნდ დრეჰარის რეკორდი დაამხო.
.70.webp)
სხვა სტატიები
