კარაგერი: "რეალს ეგონა მსოფლიოს საუკეთესო ფეხბურთელი იყიდა"

"ლივერპულის" ყოფილმა მოთამაშემ, ჯეიმი კარაგერმა, "რეალის" მთავარ ტრანსფერზე ისაუბრა და ის ოქროს ბურთის დაჯილდოების კონტექსტში ახსენა. ჩემპიონთა ლიგის ბოლო შეხვედრაში, ვინისიუს ჟუნიორმა შოუ დადგა და "დორტმუნდთან" რეალის ქამბექის მთავარი სულისჩამდგმელი იყო. ცნობილია, რომ უდიდესი ალბათობით, საუკეთესო ფეხბურთელი სწორედ ვინისიუსი გახდება.

დორტმუნდთან ვინისიუსმა ჰეთ-თრიქი შეასრულა, მბაპემ კი ვერ გაიტანა. ბრაზილიელმა კიდევ ერთხელ დაიმსახურა ბერნაბეუს პუბლიკის აღფრთოვანება და სკეპტიკოსებიც გააჩუმა (ვინც ფიქრობს, რომ ვინისიუსს ოქროს ბურთი არ ეკუთვნის).

ოქროს ბურთის დაჯილდოების მთავარი კანდიდატები ვინისიუსი, ბელინგემი და როდრი არიან, თუმცა მედიაში გავრცელებულია ინფორმაცია, რომ მსოფლიოს საუკეთესო ფეხბურთელის ვინაობა უკვე გადაწყვეტილია და ოქროს ბურთს ვინისიუსი ჩაიბარებს.