"ჯეიდონს ეს, სერ ალექსის დროს რომ გაეკეთებინა, მანჩესტერისთვის ვეღარასდროს ითამაშებდა" - ბენ ფოსტერი

როგორც მოგეხსენებათ, "არსენალთან" წაგებულ შეხვედრაში ჯეიდონ სანჩო "მანჩესტერ იუნაიტედის" განაცხადში ვერ მოხვდა. ერიკ ტენ ჰაგმა ეს ყველაფერი იმით ახსნა, რომ ახალგაზრდა ინგლისელი ვარჯიშზე სათანადოდ არ იხარჯება. მთავარი მწვრთნელის ამ სიტყვებს ჯეიდონმა შემდეგი განცხადებით უპასუხა:

აშკარაა, რომ მთავარ მწვრთნელსა და ახალგაზრდა შემტევს შორის დაძაბულობა არსებობს. გულშემატკივარში ამ ყველაფერს არაერთგვაროვანი რეაქცია მოჰყვა. აღნიშნულ დაძაბულობაზე კომენტარი გააკეთა გუნდის ლეგენდამ, რიო ფერდინანდმაც. 

არ არსებობს ჯეიდონმა ასეთი განცხადება გაავრცელოს თუ თვლის, რომ კარგად არ ითამაშა. სწორედ ეს არის განსხვავებაც. თუ ფეხბურთელი თვლის, რომ კარგად ივარჯიშა, შესაძლოა მწვრთნელს განსხვავებული სტანდარტები ჰქონდეს. ამ პრობლემის მოგვარების ორი შანსი არსებობს. ახლა მხოლოდ ერთი ფანჯარა არის ღია და ეს საუდის არაბეთია. არსებობს მეორე ვარიანტიც, რჩები სათადარიგოთა სკამზე და სეზონის ბოლომდე ვერ ხვდები გუნდის განაცხადში.

ფერდინანდისგან განსხვავებით, უფრო მკაცრი იყო ბენ ფოსტერი. "წითელი ეშმაკების" ყოფილმა მეკარემ აღნიშნა, რომ სერ ალექს ფერგიუსონის დროს ასეთი საქციელის გამო, სანჩო გუნდს დატოვებდა.