ანხელ დი მარია კარიერას "იუვენტუსში" გააგრძელებს.
ინფორმაცია ტურინულმა გუნდმა ოფიციალურად დაადასტურა. არგენტინელი ფეხბურთელი იტალიაში ახლახანს ჩაფრინდა და მალე სამედიცინო შემოწმებასაც გაივლის.
"იუვენტუსმა" დი მარიას დამატება უფასოდ მოახერხა. როგორც იცით, 7-წლიანი პარიზული კარიერის შემდეგ, 34 წლის ვინგერმა "პსჟ" თავისუფალი აგენტის სტატუსით დატოვა.
გარდა დი მარიასა, "ბებერი ქალბატონები" ზაფხულში პოლ პოგბას ტრანსფერის განხორციელებასაც გეგმავენ.
ანხელმა საფრანგეთში თამაშისას ქვეყნის ჩემპიონობა 5-ჯერ მოიპოვა. დი მარიას "პსჟ"-სთან საერთაშორისო ტურნირი არ მოუგია, თუმცა 2020 წელს ჩემპიონთა ლიგის ფინალში გავიდა, სადაც ფრანგებმა "ბაიერნთან" წააგეს.