იტურალდე გონსალესი: ,,რუდიგერს წითელი ბარათი უნდა მიეღო''

ყოფილმა ესპანელმა მსაჯმა, ედუარდო იტურალდე გონსალესმა, ,,რეალისა'' და ,,ნაპოლის'' მატჩში, პიოტრ ზელინსკიზე ანტონიო რუდიგერის უხეშობა შეაფასა.

შეხვედრის მეორე ნახევარში მადრიდული გუნდის მცველმა მეტოქეს გაშლილი ფეხით ბარძაყში ჩაარტყა, თუმცა მსაჯისგან (ფრანსუა ლეტესიე) ყვითელი ბარათიც არ მიუღია. ამ ეპიზოდის შემდეგ, პოლონელმა მატჩის გაგრძელება ვერ შეძლო.

ჩემპიონთა ლიგის ჯგუფური ეტაპის მე-5 ტურში ,,რეალმა'' ,,ნაპოლის'' უმასპინძლა და 4:2 დაამარცხა.

5 ტურის შემდეგ, მადრიდელები ჯგუფში 15 ქულით ლიდერობენ - ანჩელოტის გუნდს პლეი-ოფში გასვლა პირველი ადგილით აქვს განაღდებული.