იტალიური მედია: "კვარა უდიდესი სიურპრიზია, ნაპოლის ყველაზე გამართული შეტევა ყავს"

"საუკეთესო სიურპირიზი, შემდეგი სეზონისთვის, ქართველი ფეხბურთელია. ნაპოლი არ არის სკუდეტოს მოგების მთავარი ფავორიტი და ამის გამო ზედმეტი წნეხი არ აქვს. შესაბამისად, თუ ისინი სეზონს სწორად მიუდგებიან, შეუძლიათ, რომ დიდი სიამოვნება მიიღონ. შეტევაში საუკეთესო რგოლი ხვიჩა კვარაცხელიაა. უნდა ითქვას, რომ სისტემის სიმყარე შენარჩუნებულია და პირველ რიგში, მნიშვნელოვანია ძალიან მომხიბვლელი და ტექნიკური შეტევა. ჰიპოთეტურად შეიძლება მივიჩნიოთ, რომ "ნაპოლის" იტალიის ჩემპიონატში ყველაზე გამართული შეტევის ხაზი ჰყავს - ლოზანოს, კვარას და ოსიმენის სისწრაფე, ფანტაზია და ტექნიკურობა", - წერს Gazzetta dello Sport-ის მიმომხილველი, ლუიჯი გარლანდო.