იტალიური მედია: "კვარა და ლუკაკუ ერთმანეთისთვის შექმნილებს ჰგვანან"

იტალიის სერია A-ს მე-4 ტურში "ნაპოლი" სტუმრად "კალიარის" ეთამაშა და მეტოქე 0:4 გაანადგურა. ეს უდავოდ ერთ-ერთი ყველაზე დამაჯერებელი თამაშია, რაც კონტეს მოსვლის შემდეგ ნეაპოლელებმა ჩაატარეს. ნაპოლის ახალმა შემტევმა დუეტმა შესანიშნავი მატჩი ჩაატარა და იტალიური მედია კვარასა და ლუკაკუს შორის უკვე დიდ ქიმიას ხედავს.

ხვიჩა კვარაცხელიამ სერია A-ს ოთხივე ტურში ითამაშა და 2 გოლი და 2 საგოლე გადაცემა აქვს შესრულებული. კალიარისთან მატჩში მან ერთხელ თავად უპასა ლუკაკუს, ერთხელ კი ბელგიელის ასისტით გაიტანა.

ამ მომენტისათვის, ნაპოლი ცხრილის პირველ ადგილზეა 9 ქულით, მათი გადასწრება პოტენციურად მხოლოდ 'უდინეზეს' შეუძლია, რომელსაც 1 მატჩით ნაკლები და 7 ქულა აქვს. ნეაპოლელები მომდევნო შეხვედრას 21 სექტემბერს, სტუმრად, "იუვენტუსის" წინააღმდეგ ჩაატარებენ.