იტალია-ესპანეთის შეხვედრის დროს რობერტო ბაჯო გაქურდეს

ლეგენდარული იტალიელი ფეხბურთელი რობერტო ბაჯო გაქურდეს. ძარცვის დროს თავად ფეხბურთელი დაზიანდა. აღნიშნული ინციდენტი ადგილობრივი დროით 22:00 საათზე მოხდა.

57 წლის ბაჯომ ერთ-ერთმა მძარცველს წინააღმდეგობა გაუწია და შუბლში იარაღის კონდახიც მიიღო. რობერტოს საავადმყოფოში გადაყვანისას ნაკერები დაადეს და ის ამ დრომდე ჰოსპიტალში იმყოფება.

გავრცელებული ინფორმაციით, ინციდენტი დაახლოებით 40 წუთს გაგრძელდა. ამბობენ, რომ ბაჯო ქურდების შეჩერებას ცდილობდა. ერთ-ერთი გამოცემის თანახმად, მძარცველებმა ბაჯო და მისი ოჯახი ოთახში ჩაკეტეს. ცოტა ხნის შემდეგ, როდესაც რობერტო დარწმუნდა, რომ ოჯახს საფრთხე არ ემუქრებოდა კარი გაამტვრია და პოლიცია გამოიძახა.

ჯერჯერობით ცნობილი არ არის თუ რა ოდენის თანხა არის წაღებული.