ისევ ტრავმა - უოტფორდმა მოიგო, მაგრამ ჩაკვეტაძე დაკარგა

ინგლისის ჩემპიონშიპის მე-19 ტურში, უოტფორდმა ნორვიჩს უმასპინძლა და 3:2 დაამარცხა. ეს მატჩი ჩვენთვის იმით იყო გამორჩეული, რომ 8-თვიანი პაუზის შემდეგ, გიორგი ჩაკვეტაძე სასტარტო შემადგენლობაში დაბრუნდა (ტრავმის შემდეგ ჩაკვე 2-ჯერ შემოვიდა ცვლილებაზე).

ცუდი ისაა, რომ გიორგი 38-ე წუთზე შეცვალეს - მას მეტოქე გუნდის მეკარე შეეჯახა. იქამდე ჩაკვეტაძემ ყვითელი ბარათიც მიიღო. ჯერ უცნობია, როდის დაბრუნდება ქართველი ფეხბურთელი, თუმცა ამდენი ხნის შემდეგ ისევ ლაზარეთში გადასვლა ნამდვილად უიღბლობაა.

19 ტურის შემდეგ, უოტფორდს 27 ქულა აქვს და მე-10 ადგილზეა. გუნდი მომდევნო შეხვედრას 9 დეკემბერს, შეფილდის წინააღმდეგ ჩაატარებს.