ინგლისი არ ითამაშებს იმ ტურნირებში, სადაც რუსეთის ახალგაზრდული ნაკრებები იასპარეზებენ
ინგლისი უარს ამბობს იმ ტურნირებში თამაშზე, სადაც მონაწილეობას რუსეთის ახალგაზრდული ნაკრებები მიიღებენ. ინფორმაციას The Times-ი ავრცელებს.
როგორც გამოცემა წერს, უეფას გადაწყვეტილების მიუხედავად, ინგლისელები საკუთარ პრინციპებზე უარის თქმას არ აპირებენ.
უეფას დღევანდელი გადაწყვეტილებით, რუსეთის 17-წლამდე ნაკრებებს საერთაშორისო ტურნირებში მონაწილეობის მიღების უფლება ექნებათ.
ორგანიზაციის განცხადებით, მათ საშინაო მატჩები ნეიტრალურ ტერიტორიაზე უნდა გამართონ და რუსეთის ჰიმნის, დროშის, გერბისა და სხვა სახელმწიფო სიმბოლოების გარეშე უნდა ითამაშონ.
ჩეფერინმა, ასევე, ხაზი გაუსვა, რომ მანამ, სანამ უკრაინაში ომი გრძელდება, რუსეთის ეროვნულ ნაკრებებსა და რუსულ კლუბებს უეფას მიერ ორგანიზებულ ტურნირებში მონაწილეობა ეკრძალებათ.
La FA inglese rifiuta la decisione della #Uefa di riammettere alle competizioni le squadre Under 17 della #Russia. Nessuna nazionale inglese scenderà in campo contro di loro (via @thetimes) https://t.co/don264wSfg
— Giovanni Capuano (@capuanogio) September 26, 2023
სხვა სტატიები
