"იმედია კვარაცხელია ნაპოლის ახალი პროექტის სახე გახდება" - იტალიელი აგენტი

ხვიჩა კვარაცხელიასა და "ნაპოლის" შორის კონტრაქტის განახლების თაობაზე გამართული მოლაპარაკებები უშედეგოდ დასრულდა. იტალიურ მედია საშუალებებში გავრცელებული ინფორმაციით, კვარას წარმომადგენლები და "პარტენოპეის" ხელმძღვანელობა მიმდინარე სეზონის დასრულების შემდეგ, აღნიშნულის თაობაზე კვლავ იმსჯელებენ.

Radio Marte-სთან საუბარში იტალიელმა აგენტმა ვინჩენცო მორაბიტომ ხვიჩა კვარაცხელია გააკრიტიკა და იმედი გამოთქვა, რომ ქართველი ვარსკვლავი აურელიო დე ლაურენტისისადმი მადლიერებას გამოხატავს.

შეგახსენებთ, იტალიის სერია A-ს 2024/25 წლების სეზონში, ხვიჩა კვარაცხელიამ 15 მატჩში მიიღო მონაწილეობა, სადაც 5 გოლის გატანა და 3 საგოლე გადაცემის შესრულება შეძლო.