იკერ კასილასი: "ფინალში აუცილებლად ლუნინი უნდა იდგეს"
ჩემპიონთა ლიგის ორივე ფინალისტის ვინაობა ცნობილია. პირველ ივნისს "უემბლიზე" ერთმანეთს "დორტმუნდი" და "რეალი" დაუპირისპირდებიან. 1/2-ფინალში გერმანელებმა "პსჟ", "სამეფო კლუბმა" კი "ბაიერნი" გამოთიშა.
უკვე დიდი ხანია, რაც მადრიდელთა მთავარი კარის დარაჯი ტობი კურტუა ტრავმირებულია და მას ანდრეი ლუნინი ცვლის. უკრაინელმა მეკარემ სამწვრთნელო შტაბის ნდობა გაამართლა და მთელი სეზონია კარში საიმედოდ დგას. სოციალურ ქსელში გაჟღერდა იდეები, რომ ჩემპიონთა ლიგის ფინალში ტიბო კურტუა უნდა ჩამდგარიყო, რადგან მას უფრო მეტი გამოცდილება აქვს. ამასთან დაკავშირებით "რეალის" ლეგენდარულმა მეკარემ იკერ კასილასმა ისაუბრა.
ვფიქრობ, ფინალში აუცილებლად ლუნინი უნდა იდგეს.კურტუას არავისთვის არაფერი არ აქვს დასამტკიცებელი. ფინალში ვერ გამოსვლის მიუხედავად, ის მაინც მსოფლიოში საუკეთესო იქნება. ლუნინმა გვაჩვენა, რომ ის საიმედო მეკარეა. - განაცხადა იკერ კასილასმა
🗣️ Iker Casillas: “I think in the final Lunin should continue. Courtois doesn’t have to prove anything to anyone, he will be the best goalkeeper in the world again, but he is recently recovered. Lunin has shown he is a guarantee.” pic.twitter.com/pRp3e2E9hX
— Madrid Xtra (@MadridXtra) May 10, 2024
უკრაინელმა მეკარემ მიმდინარე სეზონში 30 მატჩი ჩაატარა და 28 გოლი გაუშვა. წელს ლუნინმა საკუთარი კარი მშრალად 12-ჯერ შეინახა.
სხვა სტატიები
