"იბერია 1999 სათანადოდ უნდა დავაფასოთ" - იაგიელონიას ფეხბურთელი

იბერია 1999 ევროპა ლიგის 2026/27 წლების სეზონის საკვალიფიკაციო ეტაპის ფინალში, პოლონურ იაგიელონიას დაუპირისპირდება. წყვილს შორის პირველი მატჩი 20 აგვისტოს პოლონეთში, ხოლო საპასუხო დაპირისპირება 27 აგვისტოს, საქართველოში შედგება.

მატჩის ნებისმიერი შედეგით დასრულების მიუხედავად, ქართულ კლუბს, რომელიმე ევროტურნირზე თამაში გარანტირებული აქვს - იბერია 1999 მოგების შემთხვევაში ევროპა ლიგაზე, ხოლო წაგების შედეგად კონფერენს ლიგაზე იასპარეზებს.

მატჩამდე იაგიელონიას ესპანელმა ლეგიონერმა, ხესუს იმაზმა კომენტარი გააკეთა და აშნიშნა, რომ უფლება არ აქვთ იბერია 1999 სათანადოდ არ დააფასონ.

შეგახსენებთ, რომ იბერია 1999-მა ჩრდილო ირლანდიური ლარნეს დამარცხებით ევროტურნირის ძირითად ბადეში თამაში გაინაღდა, რაც უკანასკნელად 22 წლის წინ მოხდა, როდესაც დინამო თბილისმა უეფას თასზე ითამაშა.